КУЫРЫСДЗАУ

тж. КУЫРЫСМÆДЗОГ

Кæлæнгæнæг ус-бирæгъ. Ныр дæр ма фехъусæн вæййы: махæн нæ хъæуы, кæнæ сыхы куырысмæдзог цæры, изæрдалынгты куыройы нучы ныууайы æмæ бирæгъæй агæпп ласы, стæй æхсæвы тары æрбайсæфы. Бонырдæм та нучы фæстæмæ суайы æмæ ус фесты. Куырысдзаутæй адæмы тас дæр ис, фæлæ сын хылы, загъды рæстæг мæстыйæ фидис дæр фæкæнынц. Уымæн æмæ дзы иутæ нымад сты адæмыл аудæг, фосы æмæ тыллæджы бæркадыл æфтауæг, иннæтæ та – фыдбылызхæссæгыл. Уæлдайдæр, йæхи бирæгъ чи фестын кæны æмæ фосмæ чи балæбуры, уыдон. Ахæм цаутæ иу æмæ дыууæ нæ фехъусдзынæ ирон адæмæй. Мыхуыргонд дæр дзы æрцыд. Куырысы бæстæм куырысмæдзæуджытæ цæуынц æппæты уайагдæр бæхтыл. Уымæ гæсгæ, дам-иу, Ногбоны райсом бирæтæ сæ бæхты скъæтты баййæфтой хидæйдзагæй – куырысмæдзог æй æгæр тагъд фæтардта, зæгъгæ.

кæс «АРВЫ ДУАР»-Ы СÆРГÆНДТÆ